Land of Maybe er heitið á bólkinum hjá Allani Tausen og Edith Dahl Jakobsen. Tey bæði hittust í 2018 og fóru í holtur við at skriva løg saman. Eftir stutta tíð var so mikið nógv tilfar skrivað, at tað var nokk til eina plátu. Plátan varð tikin upp í Studio Bloch í maj 2020 og verður givin út 6. november. Sostatt verður konsertin í Løkshøll ein frumframførsla av plátuni. Við sær á pall hava tey Mikael Blak, Magnus Johannessen, Brand Jacobsen og Filip Zachariassen.Tónleikurin kann lýsast sum modernað Americana og poppur. Áhoyrarar kunnu vænta at hoyra alla plátuna umframt nøkur nýggj løg.