Hoyr tríggjar granskarar greiða frá um kaffi - um lívfrøðina í kaffiplantuni, hvussu hon verður dyrkað og haggreidd til tað kaffi sum vit drekka, um burðardygt kaffi, um hvussu veðurlagsbroytingarnar fara at ávirka kaffi framyvir og um hvørja ávirkan kaffi hevur á heilsuna.
Fyrilesturhaldarar: Aske Bosselmann, Anders Barfod & Kjeld Hermansen, granskarar

Náttúruvísindaliga fyrilestrarøðin er eitt samstarv millum Løkshøll og Bókasavnið við Løkin, og verður stroymd beinleiðis frá Aarhus Universiteti.

Fyrilestrarnir eru í 2 tímar, við steðgi á 20 min. Kaffi er at fáa í steðginum.

Fyrilestrarnir verða vístir í Løkshøll ella á Bókasavninum við Løkin, alt eftir hvat annað virksemi er í húsinum.

Øll eru hjartaliga vælkomin!