Unga kvinnan Una missir sín elskaða Diddi undir sera tragiskum umstøðum, men má bera sorgina einsamøll, tí Diddi var trúlovaður aðrari kvinnu og parlagið við Unu var tí hildið loyniligt. Søgan fer fram ein summardag, og hóast filmurin bert er 82 minuttir verða áskoðararnir førdir gjøgnum eina røð av sterkum kenslum; alt frá ótta, vónloysi og sorg til nýggja vón, og stílvísi Rúnarsson syrgir fyri at søgan eisini er stuttlig, heit og poetisk.

Vakra myndaliga íslendska náttúran fær alt at ganga upp í hægri eind.

Altjóða ummælarar hava nógv rósandi orð at bera filminum; "Eitt rørandi vangamynd um sorg", "sera hugtakandi", og "Tað er altíð eitthvørt spælandi og poetiskt í filmunum hjá Rúnarsson".

'Ljósbrot' var sýndur í røðini Un Certain Regard á filmfestivalinum í Cannes í ár.

Atgongumerki á 90 kr (+ 8 kr í avgjaldi)